先前寫左篇〈香港曾經出現過的三位「十全女生」:石臻善、李泳枬、簡幗儀〉,諗唔到竟然入面一兩位主角都有讀到此文,希望唔會對她們的生活造成騷擾。適逢另一位女拔萃狀元麥明詩參選港姐,再次掀起「美貌與智慧並重」嘅話題,亦令我再次產生撰寫續集嘅興趣。



其實十全女生構思,係源自《火鳳燎原》「十全呂布」,加上有人以十項優點黎形容石臻善,貪玩之下才用呢種形式寫落去。不過要從每一位女性都找出十個優點實在有點勉強,所以今次決定拋開呢條規則寫得輕鬆啲。

但咁並不代表我心目中嘅「十全女生」條件就會因此而降低咗,因為以下介紹幾位,同樣係要有高學歷、美貌以及各種優點集於一身,至少帶給人一種驚艷的感覺,先得以「上榜」。



第一位要介紹的,自然是因參選港姐而成為風頭躉的麥明詩。

1. DGS
2. 10A狀元
3. 自少學習芭蕾舞
4. 聲樂八級
5. 劍橋法律系畢業
6. 參選港姐
7. 敢於批評時政(雖然唔知點解走左去接受民建聯訪問)
8. 當然最犀利嘅係,目標係要做高官、做律政司,甚至要做女特首!



老老實實,去到中學生呢個年紀,應該都知道要搵食,最好都係從商,從政只會吃力不討好,佢有咁嘅理想,即使可能去到而家經已係另一回事,TVB壓力之下更加要小心講嘢,但已算係咁。




第二位係上次漏提嘅彭匡怡。多謝網友提點,原來2004年仲出左一個10A女神彭匡怡,因為佢響石臻善之前已「出道」,加上唔係點搵倒佢既資料,並無擺入「十全女生」名單度。不過經過一輪高登考古,發覺呢個女仔都幾犀利,所以特別開多段補遺,介紹下呢位女神:



1. 又係DGS
2. 10A後當然被多間大學主動邀請拔尖
3. 之後去左美國UPenn Wharton School讀書
4. 課餘時同時有玩a cappella
5. 畢業後去左芝加哥做野,聽過係做匯豐IM,一個爭崩頭既職位...
6. 愛基督,愛家庭




暫時就係數倒咁多樣啦……再講可能變得夾硬,但係就算做唔倒「十全女生」,成績又好又靚女既女神名銜係當之無愧……



第三位係李海瀅,根據高登巴打提供資料:



1. 又又係DGS
2. 會考9A1B
3. 178cm(!)
4. 港大醫學院畢業
5. 兒科醫生,對小朋友好有愛心
6. 參演過港台節目《醫生與你》,果陣已驚為天人
7. 代表香港參加在海南三亞舉行的「2008年ELITE世界精英模特兒大賽全球總決賽」,曾拍多個廣告
8. 「我人去到哪裏,書就溫到哪裏,在化妝間只有我是這樣,我已訓練自己在任何環境都能溫習。」(又乖又叻,太完美……)
9. 「有次行騷,我條裙胸前嘅鈕爆開咗,有個模特兒即刻教我雙手叉腰行,就唔會走光」(!)




因為唔係10A,起初無乜人留意佢,但係因為又做MODEL又上電視,亦好積極接受訪問,網絡間開始驚為天人,難得既係去到最尾,又會認清自己想行既路,回歸醫生之路。





最後一位就係超級富豪,湯文亮嘅千金湯振玲。第一眼我已覺得很像朱玲玲嘅佢,網上已有很多相關報導。但好人只將焦點放在佢嘅「父蔭」上,而忽略佢自己其實本身都係一位好努力既女孩子。

1. 湯文亮千金(當然都係一種優勢……)
2. 會考6A3B
3. 科大尖子入G-BUS
4. 環球商業管理及財務學雙主修壹級榮譽畢業
5. 畢業後即被「柏克萊亞洲」聘用,年薪60萬
6. 現打理家族生意,為紀惠集團執行董事
7. 仁濟醫院總理
8. 最大嗜好竟然係踩單車、行山同越野跑步咁健康……「去年參加咗環台遊,今年就由台中埔里踩上三千二百幾米高嘅武嶺,期間遇上大雨,極具挑戰性,佢用咗六小時踩上清境農場,再用四小時踩上武嶺,稱得上係女鐵人。」
9. 「維特健靈慈善單車馬拉松 2014」名人組冠軍
10. 「人生首次置業,由於係頭籌,又係首次置業,獲享稅務優惠,用咗大約八千五百萬,一口氣掃咗四個單位,包括第三座兩個頂層天台戶,及六樓全層,連同六個車位。今次至少慳咗三百幾萬雙倍印花稅。」……






但相比上面呢D,佢心地好、平易近人、又有幽默感,先至係佢最最最大嘅優點。我點知?因為我見過佢真人……

養心齋 | 評論(0) | 引用(0) | 閱讀(17378)